連載小說《Live》#05 – 墨說

現在的我，每天只能維持最低的生存需求，水和食物總是很缺，於是我盡早計劃，捨棄舊營地且開始深入探索。

由海岸線，開始步入一片深綠的叢林。每每掠過草枝綠葉，都會傳發出微弱的騷動。

在早上結束之前，我已抵達森林深處，並將束在腰上的乾狼肉吃光，連用以解渴的藍莓也是。

在我漫無目的的路途上，無意望見前方有隻兔子，被困在一個幼木枝製的籠子中，雖然造工粗糙，但十分實用。

不過這兔籠，又是誰製作？

正當我疑惑之際，背部被某種尖銳的東西輕輕戳住。

「唔好郁。」對方說的，是同一種語言。

「我哋講同一種語言⋯⋯」我慢慢舉高雙手。

「咁又點。」對方沒有放鬆戒備：「我要確保你唔係嗰班人。」

「嗰班人？乜仲有其他人？」

「你⋯⋯轉身。」他說。

我依他所說，慢慢轉過去。

對方穿著的，是美國橙色的囚犯服，看來是名重犯。他孔武有力的體格及俐落的光頭，都能夠顯示出他的武力值。

「我應該唔係你口中嗰班人～？」

「你咁瘦又得自己一個，都可以生存到宜家，你都唔簡單。」對方淺笑。

「我可唔可以生存到最後都係睇你⋯⋯」我盯住他手上的長矛。其長矛以長樹枝製作，將一端磨成尖製成。

「向你十點鐘方向行。」他命令。

不得不聽從的我，只好照辦：「喺宜種荒島，我哋唔係應該互相信任？」

「荒島？嘿！宜到係地獄，地獄⋯⋯」

「我前一、兩個星期都喺海岸到生活，除咗啲狼同太陽熱少少之外，都冇咩危險⋯⋯」我說。

「咁純粹係因為，你好彩。」

「你哋遇到啲⋯⋯好不濟嘅事？」

「野獸、食人族部落、倖存者互殺、持槍嘅不知名嘅獵人、饑餓、疾病，夠精彩未？」

「仲有其他倖存者！？」

「你應該⋯⋯同係坐嗰隻船而嚟吧。」他問。

「係⋯」

「恭喜你，參加緊宜場「死亡直播」。」他續說：「你就好似被冷落嘅路人配角，先一直無戲份，但宜家我搵上你，相信都有唔少危險會搵上門⋯⋯」

「我淨係知政府喺監獄入面叫我簽份合約，喺荒島生活而且離開到，就當我無罪釋放。」我交代。

「我都係啊，最終咪落入宜場遊戲入面。」光頭漢稍稍放下戒心，作自我介紹：「我叫陳子漢，你？」

「我係囚犯２００３號。」我回答。(續)